संजय खाडे यांनी घेतली काँग्रेस प्रदेशाध्यक्ष हर्षवर्धन सपकाळ यांची भेट !
मुंबई/वणी । १० जानेवारी २०२६:
महाराष्ट्र प्रदेश काँग्रेसचे सचिव संजय खाडे यांनी मुंबईतील टिळक भवन येथे महाराष्ट्र प्रदेश काँग्रेसचे अध्यक्ष हर्षवर्धन सपकाळ यांची भेट घेतली. या भेटीत आगामी जिल्हा परिषद आणि पंचायत समिती निवडणुका तसेच पक्ष संघटना बळकट करण्याबाबत सखोल चर्चा झाली.
संजय खाडे यांनी अचलपूर मतदारसंघात प्रभारी म्हणून केलेल्या कामाचा सविस्तर अहवाल सादर केला. यामध्ये स्थानिक स्तरावर पक्षाची संघटना मजबूत करणे, कार्यकर्त्यांमध्ये एकजूट निर्माण करणे आणि जनसंपर्क वाढवण्यासाठी केलेल्या प्रयत्नांचा समावेश होता. प्रदेशाध्यक्ष हर्षवर्धन सपकाळ यांनी खाडे यांच्या कार्याबाबत समाधान व्यक्त केले आणि पुढील काळात अधिक भक्कम पाठिंबा देण्याचा विश्वास दिला.
भेटीदरम्यान येत्या काळात जिल्हा परिषद आणि पंचायत समिती निवडणुकांमध्ये जास्तीत जास्त काँग्रेस उमेदवार निवडून आणण्यासाठी ठोस आणि प्रभावी रणनीती आखण्याबाबत मौल्यवान मार्गदर्शन मिळाले. संजय खाडे यांनी सांगितले की, “प्रदेशाध्यक्षांच्या मार्गदर्शनाने पक्ष अधिक बळकट होईल आणि ग्रामीण भागात काँग्रेसची ताकद वाढेल.”
www.WaniSamachar.com
