🌐 रोटरी क्लब ऑफ ब्लॅक डायमंड सिटी वणीतर्फे ‘रोटरी उत्सव रील्स २०२६’ स्पर्धेचे आयोजन; आकर्षक बक्षिसांसह युवकांना संधी !

🌐 रोटरी क्लब ऑफ ब्लॅक डायमंड सिटी वणीतर्फे ‘रोटरी उत्सव रील्स २०२६’ स्पर्धेचे आयोजन; आकर्षक बक्षिसांसह युवकांना संधी !

वणी (यवतमाळ) । दि. ७ जानेवारी २०२६:

रोटरी क्लब ऑफ ब्लॅक डायमंड सिटी, वणी यांच्या वतीने ‘रोटरी उत्सव रील्स २०२६’ या भव्य रील स्पर्धेचे आयोजन करण्यात आले आहे. ही स्पर्धा २१ ते २६ जानेवारी २०२६ या काळात रोटरी उत्सवाच्या निमित्ताने रंगणार असून, युवकांना आपली सर्जनशीलता दाखवण्याची उत्तम संधी मिळणार आहे.

रील तयार करण्यास ७ जानेवारी पासून सुरुवात करता येणार असून, अपलोड करण्याची अंतिम तारीख २५ जानेवारी २०२६ आहे. विजेत्यांची घोषणा आणि बक्षिस वितरण २६ जानेवारी २०२६ रोजी प्रजासत्ताक दिनी होईल.

स्पर्धेतील रील्स ‘रोटरी उत्सव‘ या विषयावर आधारित असाव्यात. उत्सवाची संस्कृती, एकता, आनंद, मजा आणि सर्जनशीलता अशा थीम्सवर रील्स बनवता येतील. रील्स सकारात्मक, कौटुंबिक आणि क्रिएटिव्ह असणे आवश्यक आहे. सर्व रील्स व्हर्टिकल फॉरमॅटमध्ये (इंस्टाग्रामसाठी) ३० ते ६० सेकंदांच्या असाव्यात आणि रोटरी उत्सवाच्या ठिकाणी (कृषी उत्पन्न बाजार समिती मैदान) शूट केलेल्या असाव्यात.

● महत्त्वाचे नियम:

• रील्स फक्त @RotaryClubWani आणि @wanikar_zone या पेजेससोबत कॉलॅबोरेशन करून अपलोड कराव्यात (बूस्टिंग नाही).
• अधिकृत हॅशटॅग #RotaryUtsavWani वापरणे बंधनकारक.
• एका सहभागीला एकापेक्षा जास्त रील्स सादर करण्याची मुभा आहे.

विजेते निवडीचे निकष सर्जनशीलता, एंगेजमेंट आणि विषयाशी सुसंगतता असे असतील.

• प्रथम बक्षिस ५००१ रुपये (सर्वाधिक क्रिएटिव्ह रील),
• द्वितीय ३००१ रुपये (सर्वाधिक ट्रेंडिंग रील) आणि
• तृतीय २००१ रुपये (उत्तम एडिटिंग आणि ट्रान्झिशन) असे आकर्षक रोख बक्षिसे ठेवण्यात आली आहेत.

● स्पर्धेत सहभागी होण्यासाठी संपर्क:

• Rtn. शुभम मदान – 8149733710
• Rtn. अंकुश भंडारी – 9404087085
• Rtn. श्रेयश निखार – 8237855373

रोटरी क्लबच्या या उपक्रमामुळे युवकांमध्ये सकारात्मक ऊर्जा आणि सामाजिक जागरूकता वाढेल, अशी अपेक्षा आयोजकांनी व्यक्त केली आहे. इच्छुकांनी लवकरात लवकर सहभाग नोंदवावा, असे आवाहन करण्यात आले आहे.

(बातमी स्थानिक रोटरी क्लब स्पर्धेवर आधारित)

www.WaniSamachar.com