🌷वणी भाजप कार्यालयात अटलजींची जयंती उत्साहपूर्ण साजरी; मा.आ. संजीवरेड्डी बोदकुरवार यांचा विशेष सत्कार

वणी भाजप कार्यालयात अटलजींची जयंती उत्साहपूर्ण साजरी; मा.आ. संजीवरेड्डी बोदकुरवार यांचा विशेष सत्कार

▪︎नवनिर्वाचित नगरसेवकांचा शाल-पुष्पगुच्छ देऊन गौरव..

वणी । २५ डिसेंबर, २०२५ ::

भारतीय जनता पार्टीच्या वणी शहर कार्यालयात माजी पंतप्रधान भारतरत्न अटल बिहारी वाजपेयी यांच्या जयंतीनिमित्त (२५ डिसेंबर) उत्साहपूर्ण कार्यक्रम आयोजित करण्यात आला. या प्रसंगी मा.आ. संजीवरेड्डी बोदकुरवार यांच्या प्रमुख उपस्थितीत नवनिर्वाचित नगरपरिषदेच्या सर्व नगरसेवकांचा शाल व पुष्पगुच्छ देऊन सन्मानपूर्वक सत्कार करण्यात आला. हा सत्कार लोकशाहीतील जनतेच्या विश्वासाला आणि विकासाच्या नव्या संकल्पाला अधोरेखित करणारा ठरला.

याच कार्यक्रमात भाजप जिल्हा उपाध्यक्ष अंकुश बोढे यांचा वाढदिवस मोठ्या जल्लोषात साजरा करण्यात आला. त्यांना शाल व पुष्पगुच्छ देऊन मनापासून शुभेच्छा देण्यात आल्या.

मा.आ. संजीवरेड्डी बोदकुरवार यांनी आपल्या संबोधनात अटलजींच्या राष्ट्रप्रेम, विचारस्पष्टता आणि विकासदृष्टीची आठवण करून दिली. ते म्हणाले, “अटलजींच्या मार्गावर चालत सेवा, विकास आणि सुशासनासाठी भाजप कटिबद्ध आहे. त्यांची प्रेरणा आम्हा सर्वांना मार्गदर्शक ठरत राहील.”कार्यक्रमाचे सूत्रसंचालन भाजप शहराध्यक्ष ॲड. निलेश चौधरी यांनी केले. यानंतर वणी नगरपरिषद निवडणुकीत मा.आ. बोदकुरवार यांच्या प्रभावी मार्गदर्शन आणि नेतृत्वामुळे मिळालेल्या दणदणीत यशाबद्दल भाजप ज्येष्ठ नेते महादेवराव खाडे यांच्या हस्ते त्यांचा विशेष सत्कार करण्यात आला.

कार्यक्रमास ज्येष्ठ नेते खाडे सर, भाजप जिल्हा उपाध्यक्ष रवीजी बेलुरकर, संजय पिंपलशेंडे, अंकुश बोढे, जिल्हा सचिव संतोष डंभारे, तालुकाध्यक्ष (पश्चिम) मीराताई पोतराजे, शहर सरचिटणीस हितेश अटारा, ज्येष्ठ नेते खाडे सर यांसह पदाधिकारी, कार्यकर्ते आणि नवनिर्वाचित नगरसेवकांची उपस्थिती लाभली.

कार्यक्रमाच्या समारोपानंतर मा.आ. बोदकुरवार यांच्यासह सर्व मान्यवरांनी ग्रामीण रुग्णालयात जाऊन रुग्णांना फळवाटप केले. ही सेवा अटलजींच्या जयंतीला खऱ्या अर्थाने श्रद्धांजली वाहणारी ठरली.

हा कार्यक्रम भाजपच्या एकजुटीचे आणि विकासाच्या संकल्पाचे प्रतीक बनला असून, वणीच्या राजकारणात नव्या उमेदीचे वातावरण निर्माण झाले आहे.

www.WaniSamachar.com