🏏 वणीची स्वरा करंडे विदर्भाच्या अंडर-15 महिला क्रिकेट टीममध्ये; वृष्टी देशपांडे कर्णधार पदी !

वणीची स्वरा करंडे विदर्भाच्या अंडर-15 महिला क्रिकेट टीममध्ये; वृष्टी देशपांडे कर्णधार पदी !

वणी । दि. २३ डिसेंबर २०२५ :

यवतमाळ जिल्ह्यातील वणी येथील कु.स्वरा मंगेश करंडे हिचा बीसीसीआयच्या अंडर-१५ महिला ‘एलीट ग्रुप बी’ एकदिवसीय लीगसाठी विदर्भाच्या १७ सदस्यीय टीममध्ये निवड झाली आहे. ही टीम २ ते १० जानेवारी २०२६ दरम्यान विशाखापट्टणम येथे होणाऱ्या स्पर्धेत भाग घेणार आहे.

विदर्भ क्रिकेट असोसिएशन च्या महिला निवड समितीने सोमवारी झालेल्या बैठकीत विदर्भाच्या टीमची घोषणा केली असून, या टीमचा कर्णधार पदाची जवाबदारी नागपूरच्या वृष्टी देशपांडे हिने भूषवली आहे. या टीममध्ये वणीच्या कु.स्वरा करंडे हिचाही समावेश झाला असून, या यशामुळे वणी व संपूर्ण यवतमाळ जिल्ह्यात आनंदाचे वातावरण निर्माण झाले आहे.

कु.स्वरा मंगेश करंडे ही वणी येथील लायन्स इंग्लिश मीडियम स्कूल मध्ये इयत्ता नववीची विद्यार्थिनी आहे. तिने आपल्या या यशाचे श्रेय “११ स्टार क्रिकेट क्लब” चे सर्व सन्माननीय सदस्य, प्रशिक्षक, लायन्स इंग्लिश मीडियम स्कूलचे प्राचार्य श्री.प्रशांत गोडे सर, देशपांडे मॅडम, तिचे आई-वडील आणि सर्व शुभचिंतकांना दिले आहे.“माझ्या यशात सर्वांचा मोठा वाटा आहे. क्लबमधील प्रशिक्षक, शाळेतील शिक्षक आणि कुटुंबीयांच्या प्रोत्साहनामुळे आज मी या उंचीवर पोहोचले आहे,” असे स्वरा करंडे यांनी सांगितले.

या निवडीने वणी शहरासह यवतमाळ जिल्ह्यातील क्रिकेटप्रेमी, शाळा-कॉलेजमधील विद्यार्थी आणि स्थानिक नागरिकांकडून स्वरा करंडेचे मोठ्या उत्साहाने कौतुक होत आहे. तिच्या पुढील खेळीला सर्वजण उत्सुकतेने वाट पाहत आहेत.

विदर्भाच्या अंडर-१५ महिला टीममध्ये स्वरा करंडे सारख्या प्रतिभावान खेळाडूंचा समावेश झाल्याने राज्यस्तरीय क्रिकेटमध्ये यवतमाळ जिल्ह्याचे नाव अधिक उजळण्यास मदत होईल, अशी अपेक्षा व्यक्त केली जात आहे.

www.WaniSamachar.com