🌷प्रभाग क्र. ८ वर भाजपचा तुफान प्रचार, विद्याताई आत्रामांसह कमळाला प्रचंड मतांची खात्री..

● वणी नगरपरिषद निवडणूक -2025 ●

प्रभाग क्र. ८ वर भाजपचा तुफान प्रचार, विद्याताई आत्रामांसह कमळाला प्रचंड मतांची खात्री

▪︎बोदकुरवार, बोर्डे, चौधरी यांची प्रभागात संपूर्ण दिवस धडक; “प्रभाग ८ चे दोन्ही कमळ मोठ्या फरकाने जिंकले तरच वणीला हायटेक शहर बनवता येईल”

वणी, दि. १ डिसेंबर २०२५ (विशेष प्रतिनिधी):

उद्या होणाऱ्या वणी नगरपरिषद मतदानाचा दिवसा आगोदर भारतीय जनता पक्षाने प्रभाग क्रमांक ८ वर कमालीचा जोर लावला. नगराध्यक्ष पदाच्या अधिकृत उमेदवार सौ. विद्या खेमराज आत्राम यांच्यासह या प्रभागातील दोन्ही जागांवरील भाजपचे अधिकृत उमेदवार सौ. प्रेमिला मनोज चौधरी (प्रभाग ८-अ, नागरिक मागास प्रवर्ग महिला) आणि श्री. कुणाल  संजय सोमशेट्टीवार (प्रभाग ८-ब, सर्वसाधारण) यांना प्रचंड मतांच्या फरकाने विजयी करण्याचे ठाम आवाहन माजी आमदार संजीवरेड्डी बोदकुरवार, माजी जिल्हाध्यक्ष तथा माजी नगराध्यक्ष तारेंद्र बोर्डे आणि शहराध्यक्ष ऍड. निलेश चौधरी यांनी केले.

प्रचा काळात तिघेही नेते सकाळी १० ते रात्री ११ वाजेपर्यंत प्रभाग ८ मध्ये फिरले. प्रत्येक घर, प्रत्येक दुकान, प्रत्येक चौकात थांबून त्यांनी मतदारांशी थेट संवाद साधला आणि कमळाच्या बटनाला दाबण्याची हात जोडून विनंती केली.

“प्रभाग ८ मध्ये कमळ प्रचंड मतांनी फुलले तरच विद्याताई आत्राम यांच्या नेतृत्वात वणीला केंद्र व राज्य सरकारच्या सर्व योजनांचा लाभ मिळेल. या भागातील पाणीटंचाई, खड्ड्यांचे रस्ते, ड्रेनेज आणि स्ट्रीट लाइट्सचे प्रश्न कायमचे संपतील,” अशी खात्री माजी आमदार संजीवरेड्डी बोदकुरवार यांनी दिली.

माजी नगराध्यक्ष तारेंद्र बोर्डे यांनी महिलांना आवाहन करताना म्हणाले, “प्रेमिला चौधरी या प्रभागातील अतिशय मेहनती व जन सामान्यांच्या उमेदवार आहेत. त्यांना मोठ्या मतांनी निवडून द्या, महिलांसाठी स्वयंरोजगार व बचत गटांना विशेष निधी मिळेल.”

शहराध्यक्ष ऍड. निलेश चौधरी यांनी तरुण व व्यापाऱ्यांना सांगितले, “कुणाल सोमशेट्टीवार हे प्रभागातील तरुण व ऊर्जावान चेहरा आहेत. त्यांना साथ द्या तर येथील बाजारपेठा, पार्किंग, तरुणांसाठी कौशल्य केंद्र व रोजगाराच्या संधी निर्माण होतील.”

उद्या मंगळवार दिनांक २ डिसेंबर २०२५ रोजी सकाळी ७.३० ते सायंकाळी ५.३० वाजेपर्यंत मतदान होणार आहे. प्रभाग ८ च्या मतदारांनी कमळ चिन्हासमोरील बटन दाबून विद्याताई आत्राम यांना नगराध्यक्ष आणि सौ. प्रेमिला चौधरी व श्री. कुणाल सोमशेट्टीवार यांना नगरसेवक म्हणून निवडून द्यावे, अशी हात जोडून विनंती भाजपने केली आहे

www.wanisamachar.com