यवतमाळ जिल्ह्यातील वणी ही एक प्रमुख नगर परिषद आहे, जी कापूस उत्पादन, कोळसा खाणी, शेती आणि उद्योगांसाठी ओळखली जाते. ही वणी विधानसभा मतदारसंघ क्र. ७६ अंतर्गत येते. महाराष्ट्र राज्य निवडणूक आयोग (SEC) नुसार, २०२५ च्या सार्वत्रिक निवडणुकीसाठी प्रक्रिया सुरू आहे. ६ ऑक्टोबर २०२५ रोजी मंत्रालयात नगरविकास राज्यमंत्री माधुरी मिसाळ यांच्या अध्यक्षतेखाली सोडत काढण्यात आली, ज्यात राज्यातील २४७ नगर परिषद आणि १४७ नगर पंचायतींच्या एकूण ३९४ नगराध्यक्ष पदांपैकी १९९ जागा महिलांसाठी राखीव झाल्या.यात वणी नगर परिषदेचे अध्यक्ष पद अनुसूचित जमाती (ST) महिलांसाठी राखीव झाले आहे (पिंपळनेर, भडगांव, यवतमाळ, शेंदुरजनाघाट, उमरी यांसारख्या इतर नगर परिषदांसोबत).
हे आरक्षण जाहीर झाल्याने स्थानिक राजकीय वातावरण तापले असून, सर्व प्रमुख पक्ष ST महिला उमेदवार शोधण्यासाठी धावपळ करत आहेत. इच्छुक उमेदवारही पसंतीच्या पक्षात सामील होऊन प्रभागातील (एकूण १४ प्रभाग) नगरसेवक पदासाठी प्रयत्नशील आहेत. उमेदवारी अर्ज भरण्याची प्रक्रिया अंदाजे नोव्हेंबर २०२५ मध्ये सुरू होईल, आणि मतदान डिसेंबर-जानेवारी २०२६ मध्ये अपेक्षित आहे. सध्या (२८ ऑक्टोबर २०२५) उमेदवारांची अधिकृत यादी जाहीर झालेली नाही, पण पक्षांतर्गत चर्चा जोरदार सुरू आहेत.
पक्षांची धावपळ आणि अपेक्षित धोरणे
आरक्षणामुळे पक्षांना नवीन चेहरे शोधावे लागत आहेत, ज्यात ST महिला नेत्यांशी, कार्यकर्त्यांशी आणि संघटनांशी संपर्क साधला जात आहे. सर्व प्रमुख पक्षांतर्फे प्रभागांसाठी इच्छुक नगरसेवक उमेदवारांचे अर्ज घेऊन, उमेदवारांची यादी अंतिम करण्याचे प्रयत्न सुरु आहे. इच्छुक उमेदवार पक्ष बदल किंवा अपक्ष उतरण्याचा तयारीत आहे.
▪︎प्रमुख पक्ष / आघाड्या :
वणी नगर परिषद निवडणूक – २०२५ करीता भाजपा, शिवसेना (शिंदे). शिवसेना (उबाठा), मनसे, कांग्रेस, इतर काही छोटे पक्ष/संघटना व अपक्ष यांचात प्रमुख लढ़त होण्याची शक्यता आहे.
सध्या कोणतीच युती, आघाडी घोषित झालेली नाही, पण निवडणूकपुर्वी होणारच नाही, असे सध्या सांगता येणार नाही.
▪︎प्रभाग रचना :
वणी नगर परिषदेत एकूण १४ प्रभाग (प्रारूप २०२५, जनगणना २०२१ आधारित) असून, १३ प्रभागातून प्रत्येकी २ व एक प्रभागातून ३ असे एकूण २९ नगरसेवक निवडले जातील.
▪︎खालील तक्त्यात वणी न.प. प्रभागवार जाहिर 2025-आरक्षण यादी आहे:
▪︎अपेक्षित आव्हाने आणि संधी :
▪︎आव्हाने : ST महिला उमेदवारांची कमतरता, पक्षांतर्गत कलह, अपक्षांची वाढ आणि मतदार नोंदणीतील त्रुटी.
▪︎संधी : वणीचे विकास मुद्दे (कापूस बाजार सुधारणा, कोळसा खाणी, प्रदुषण, पाणीपुरवठा, वाढ़ते ट्राफीक, पार्किंग) यावर फोकस राहण्याची शक्यता आहे; व्यक्तिशः मतदारांशी भेटीगाठी, सोशल मीडिया मोहिमांद्वारे युवा मतदारांपर्यंत पोहोचणे महत्त्वाचे असेल.
▪︎मतदार जागरूकता : SEC अँपद्वारे मतदार नोंदणी तपासा; प्रभाग नकाशे यवतमाळ जिल्हा वेबसाइटवर उपलब्ध.
ही निवडणूक वणीच्या पुढील ५ वर्षांच्या विकासाला आकार / गती देणारी आहे . तरी सर्व मतदारांना WaniSamachar.com आवाहन करीत आहे की जागरूक रहा आणी कोणत्याही प्रलोभनाला बळी न पड़ता मतदान नक्की करा .
■□■
