सावधान ! तुमचा कांदा सडतोय का?

यवतमाळ जिल्ह्यातील शेतकऱ्यांसाठी मोठी बातमी;

सरकार देणार लाखो रुपयांचे अनुदान!

वणी समाचार | यवतमाळ । १० एप्रिल २०२६ :शेतात घाम गाळून पिकवलेला कांदा साठवणुकीच्या अभावामुळे डोळ्यादेखत सडताना पाहण्याची वेळ आता येणार नाही! यवतमाळ जिल्ह्यातील शेतकऱ्यांसाठी ‘एकात्मिक फलोत्पादन विकास अभियान २०२६-२७’ अंतर्गत एक सुवर्णसंधी चालून आली आहे. “कांदा सडणार नाही आणि नफा कमी होणार नाही” या ध्येयाने जिल्हा अधीक्षक कृषी अधिकारी मनोजकुमार ढगे यांनी शेतकऱ्यांना थेट मदतीचा हात दिला आहे.

■ कांदा आणि लसूण उत्पादकांसाठी ‘सुरक्षा कवच’!

पारंपरिक पद्धतीने कांदा जमिनीवर पसरवून ठेवल्यामुळे मोठ्या प्रमाणावर नुकसान होते. हेच नुकसान टाळण्यासाठी आता शास्त्रशुद्ध ‘कांदाचाळ’ आणि ‘लसूण साठवणूक गृह’ उभारण्यासाठी राज्य सरकारकडून भरघोस अनुदान जाहीर करण्यात आले आहे.

■ मिळणारे अनुदान आणि खर्चाचे गणित (Metrix Ton नुसार):

या योजनेअंतर्गत ५ मे. टनापासून ते १००० मे. टनापर्यंत साठवणूक क्षमता असलेल्या चाळींसाठी खालीलप्रमाणे अनुदान मिळेल:

विशेष टीप: जर प्रकल्पाचा खर्च ३० लाख रुपयांपेक्षा जास्त असेल, तर बँक कर्ज घेणे अनिवार्य आहे. हे अनुदान कर्ज परतफेडीच्या स्वरूपात (Credit Linked Back Ended Subsidy) थेट खात्यात जमा होईल.

■ कोणाला घेता येईल लाभ?

• वैयक्तिक कांदा उत्पादक शेतकरी.

• शेतकरी गट आणि स्वयंसहायता गट.

• महिला शेतकरी गट.

• शेतकरी उत्पादक कंपन्या (FPO) आणि नोंदणीकृत सहकारी संस्था.

■ अटी आणि शर्ती:

१. शेतकऱ्याच्या स्वतःच्या मालकीची जमीन असणे आवश्यक आहे.

२. संबंधित शेतकऱ्याकडे कांदा पीक असणे बंधनकारक आहे.

■ अर्ज कसा आणि कुठे करावा?

इच्छुक लाभार्थ्यांनी वेळ वाया न घालवता आजच महाडीबीटी (MahaDBT) पोर्टलवर नोंदणी करणे आवश्यक आहे.

• संकेतस्थळ: https://mahadbt.maharashtra.gov.in

• पर्याय: ‘फलोत्पादन’ या घटकाखाली अर्ज निवडावा.

“कांद्याची गुणवत्ता टिकली, तरच बाजारात योग्य भाव मिळेल. जिल्ह्यातील जास्तीत जास्त शेतकऱ्यांनी या आधुनिक साठवणूक योजनेचा लाभ घेऊन आपले आर्थिक नुकसान टाळावे.”

— मनोजकुमार ढगे, (जिल्हा अधीक्षक कृषी अधिकारी, यवतमाळ)

■ अधिक माहितीसाठी संपर्क:

तुमच्या तालुक्यातील जवळच्या कृषी कार्यालयाशी किंवा कृषी सहाय्यकांशी तातडीने संपर्क साधा.

आपले लेख, बातम्या व जाहिराती प्रसिद्ध करण्या करीता संपर्क करा, 9021203010.

---

www.WaniSamachar.com