● निधनवार्ता ●

गिरीश व अनूप राठी यांच्या मातोश्री ‘श्रीमती उषादेवी राठी’ यांचे निधन; आज सायंकाळी होणार अंत्यसंस्कार !

वणी । ०१ मार्च २०२६ :

वणी येथील प्रतिष्ठित व्यावसायिक गिरीश राठी आणि वणी भाजप व्यापारी आघाडीचे अध्यक्ष अनूप राठी यांच्या मातोश्री श्रीमती उषादेवी रामगोपालजी राठी (वय ७२ वर्षे) यांचे आज, रविवार दि. १ मार्च २०२६ रोजी सकाळी दुःखद निधन झाले. त्यांच्या निधनामुळे राठी परिवारावर शोककळा पसरली असून वणीतील व्यापारी वर्गात हळहळ व्यक्त केली जात आहे.

श्रीमती उषादेवी राठी या अत्यंत धार्मिक आणि प्रेमळ स्वभावाच्या होत्या. त्यांच्या निधनाचे वृत्त समजताच वणीतील विविध क्षेत्रांतील मान्यवरांनी त्यांच्या निवासस्थानी भेट देऊन शोकसंवेदना व्यक्त केल्या.

● परिवाराचा मोठा व्याप:

त्यांच्या पश्चात दोन मुले (गिरीश राठी आणि अनूप राठी), एक मुलगी, सुना, नातवंडे आणि बराच मोठा आप्तस्वकीय व मित्र परिवार आहे.

● आज सायंकाळी अंत्यसंस्कार:

स्व. उषादेवी राठी यांची अंत्ययात्रा आज रविवार, दिनांक १ मार्च २०२६ रोजी सायंकाळी ५:०० वाजता त्यांच्या राहत्या घर ‘राठी निवास’, न. प. शाळा क्र. १ समोर, वणी येथून ही अंत्ययात्रा निघून वणी येथील मोक्षधाम (स्मशानभूमी) येथे त्यांच्या पार्थिवावर अंत्यसंस्कार करण्यात येतील.

‘वणी समाचार’ तर्फे मृतात्म्यास भावपूर्ण श्रद्धांजली !

Www.WaniSamachar.com