● औद्योगिक भेट ● 

सीएसटीपीएस चंद्रपूर येथे सुशगंगा पॉलिटेक्निक, वणीच्या विद्यार्थ्यांचा शैक्षणिक दौरा

वणी । २१ फेब्रुवारी २०२६ :

Chandrapur Super Thermal Power Station (CSTPS), चंद्रपूर येथे सुशगंगा पॉलिटेक्निक, वणी येथील विद्युत अभियांत्रिकी तसेच इलेक्ट्रॉनिक्स अँड टेलिकम्युनिकेशन अभियांत्रिकी विभागाच्या विद्यार्थ्यांची औद्योगिक भेट उत्साहात पार पडली.

या भेटीचा मुख्य उद्देश विद्यार्थ्यांना वीज निर्मिती प्रक्रियेची प्रत्यक्ष माहिती मिळावी, तसेच थर्मल पॉवर प्लांटमधील आधुनिक तंत्रज्ञान, नियंत्रण प्रणाली व सुरक्षा उपाययोजनांची ओळख करून देणे हा होता. विद्यार्थ्यांनी बॉयलर, टर्बाईन, जनरेटर विभाग तसेच मुख्य नियंत्रण कक्षाला भेट देऊन सविस्तर माहिती घेतली.

विद्युत अभियांत्रिकी विभागाचे विभागप्रमुख सतीश निखाडे सर यांच्या मार्गदर्शनाखाली तसेच व्याख्याते चैतन्य तुरविले सर आणि सतीश मुलकुलवार सर यांच्या सहकार्याने ही भेट आयोजित करण्यात आली. तसेच इलेक्ट्रॉनिक्स अँड टेलिकम्युनिकेशन अभियांत्रिकी विभागाच्या विभागप्रमुख कु. सुजाता परसावार मॅडम यांनी विद्यार्थ्यांना उद्योगक्षेत्रातील तांत्रिक संधींबाबत मार्गदर्शन केले.

सीएसटीपीएसच्या प्रशिक्षण पथकाने विद्यार्थ्यांचे मनःपूर्वक स्वागत करून वीज निर्मिती प्रक्रियेचे प्रात्यक्षिकासह सखोल स्पष्टीकरण दिले. त्यांच्या उत्कृष्ट मार्गदर्शनामुळे विद्यार्थ्यांना अभ्यासक्रमातील संकल्पना प्रत्यक्ष अनुभवातून समजण्यास मोठी मदत झाली.

या यशस्वी औद्योगिक भेटीसाठी सीएसटीपीएस प्रशिक्षण पथकाचे विशेष आभार मानण्यात आले.

ही भेट विद्यार्थ्यांसाठी अत्यंत ज्ञानवर्धक व प्रेरणादायी ठरली.

आपले लेख, बातमी व जाहिरात प्रसिद्ध करण्या करीता संपर्क करा, 9021203010.

---

Www.WaniSamachar.com