• वणी नगरपरिषद निवडणूक २०२५ •
प्रभाग १ : भाजपाची भव्य रॅली
माजी आमदार बोदकुरवार यांच्या नेतृत्वात उत्साही प्रचार, विकासाच्या आराखड्याने मतदार मंत्रमुग्ध
वणी। दि. २४ नोव्हेंबर २०२५ :
यवतमाळ जिल्ह्यातील वणी नगर परिषद निवडणुकीत भाजपाने प्रभाग क्रमांक १ मध्ये कमालीचा उत्साह निर्माण केला आहे. माजी आमदार संजिवरेड्डी बोदकुरवार यांच्या नेतृत्वाखाली सकाळी ९ वाजता स्थानिक मंदिरात दर्शन घेऊन सुरू झालेल्या भव्य प्रचार रॅलीने संपूर्ण प्रभाग गजबजला. ढोल-ताशांच्या गजरात काढलेल्या या रॅलीत भाजपाच्या उमेदवारांनी घराघरांत गृहभेटी घेऊन जनतेशी थेट संवाद साधला, ज्यामुळे विकासाच्या मुद्द्यांवर मतदारांची नवी ऊर्जा निर्माण झाली.
भाजपचा नगराध्यक्षपदाच्या अधिकृत उमेदवार सौ. विद्या खेमराज आत्राम यांच्या सोबत प्रभाग १ (अ) च्या उमेदवार सौ. मीनाक्षी शैलेश जुनघरे व प्रभाग १ (ब) चे उमेदवार श्री. उमाकांत महादेवराव जोगी यांनी प्रचाराला आगळे वळण दिले.
- माजी आमदार संजिवरेड्डी बोदकुरवार यांनी रॅलीदरम्यान बोलताना म्हटले, “मागील नगरपरिषद निवडणुकीत प्रभाग १ मधून भाजपला घवघवीत यश मिळाले होते. त्या यशाची पुनरावृत्ती होईल, यात शंका नाही. विद्याताई आत्राम यांच्या नेतृत्वात वणीचा सर्वांगीण विकास होईल.”
- सौ. विद्या आत्राम यांनीही, “भाजपच्या प्रयत्नाने वणीचा प्रत्येक प्रभाग चमकदार होईल. जनाधार मजबूत करण्यासाठी आम्ही कटिबद्ध आहोत,” असे सांगून मतदारांना कमळावर मतदानाचा आवाहन केले.
- “प्रभागातील रस्ते दुरुस्ती, पाणीपुरवठा सुधारणा, स्वच्छता मोहिमा, महिलांच्या सुरक्षिततेसाठी विशेष योजना – हे आम्ही प्रत्यक्षात आणणार,” असे सौ. मीनाक्षी जुनघरे यांनी सांगितले.
- श्री. उमाकांत जोगी यांनी सांगीतले, “स्वच्छतेला प्राधान्य देऊ व प्रत्येक कुटुंबापर्यंत विकासाची किरण पोहोचवू.”
या प्रचार कार्यक्रमात भाजपा जिल्हा सचिव संतोष डंभारे, युवा मोर्चा जिल्हा सचिव श्रेयस हरणे, वणी शहराध्यक्ष ॲड. नीलेश चौधरी यांच्यासह पदाधिकारी व कार्यकर्त्यांची उत्स्फूर्त उपस्थिती होती.
प्रभागातील नागरिकांनी उमेदवारांचे स्वागत केले, तर घोषणांच्या जयघोषांनी वातावरण भारले. एका स्थानिक नागरिकाने सांगितले, “प्रभाग १ मधील हा उत्साह पाहता पुन्हा एकदा भाजपच गुलाल उधळणार. विकासाच्या या आराखड्याने आम्ही मंत्रमुग्ध झालोय.”
वणी नगर परिषद निवडणुकीत प्रभाग १ हा भाजपसाठी “सोन्याचा खेळाडू” ठरणार आहे. या रॅलीने पक्षाची एकजूट व जनाधार अधिक दृढ झाला असून, निवडणुकीचा निकाल कमळाच्या बाजूने लागणार, अशी कल्पना केली जात आहे.
वणीच्या उज्ज्वल भविष्यासाठी भाजपाचा हा धडाका आता इतर प्रभागांमध्येही पसरेल, असा विश्वास कार्यकर्त्यांमध्ये आहे.
www.WaniSamachar.com
