🎤 लोकमान्य टिळक महाविद्यालयात ‘लोकनायक बापूजी अणे व्याख्यानमाला’ !

लोकमान्य टिळक महाविद्यालयात ‘लोकनायक बापूजी अणे व्याख्यानमाला’

▪︎सक्षम युवा-सक्षम राष्ट्र’ या विषयावर डॉ. हरीओम पुनीयानींचे मार्गदर्शन !

वणी (यवतमाळ) । २४ जानेवारी २०२६ :

शिक्षण प्रसारक मंडळ, वणी यांच्या वतीने संचालित लोकमान्य टिळक महाविद्यालयात लोकनायक बापूजी अणे यांच्या स्मृतीप्रित्यर्थ वर्ष ५६ व्या ‘लोकनायक बापूजी अणे स्मृती व्याख्यान’ मालिकेचे आयोजन करण्यात आले आहे. हे व्याख्यान वाणीचे भूषण, पद्मविभूषण लोकनायक डॉ. माधव श्रीहरी उपाख्य बापूजी अणे यांच्या पुण्यस्मरणार्थ आयोजित करण्यात आले आहे.या व्याख्यानात प्रमुख वक्ते म्हणून डॉ. हरीओम पुनियानी हे उपस्थित राहणार आहेत. डॉ. पुनियानी हे नागपूर विद्यापीठाच्या वाणिज्य विद्याशाखेचे असोसिएट डीन असून, हिस्लॉप कॉलेज, सिव्हिल लाइन, नागपूर येथे वाणिज्य विभाग प्रमुख म्हणून कार्यरत आहेत. प्रख्यात मोटिव्हेशनल स्पीकर म्हणून त्यांनी अनेक ठिकाणी कार्यशाळा व व्याख्याने घेतली असून, युवकांना प्रेरणा देणाऱ्या विषयांवर त्यांचे मार्गदर्शन प्रभावी ठरते.

● व्याख्यानाचा विषय – सक्षम युवा – सक्षम राष्ट्र (Empowered Youth – Empowered Nation)

● कार्यक्रमाची तपशीलवार माहिती:

• दिनांक : २६ जानेवारी २०२६, सोमवार
• वेळ : सायंकाळी ५.०० वाजता
• स्थळ : लोकमान्य टिळक महाविद्यालय, वणी

व्याख्यानाला उपस्थित राहून या ऐतिहासिक कार्यक्रमाचा लाभ घ्यावा, असे आवाहन आयोजक विजय मुकेवार (अध्यक्ष), नरेंद्र बरडिया (उपाध्यक्ष), सुभाष देशमुख (सचिव), अशोक सोनटक्के (सहसचिव), संचालक गण : उमापती कुचनकार, ओमप्रकाश चचडा, अनिल जयस्वाल, नरेंद्र ठाकरे, विनायक तत्वादी, नरेश मुणोत, तथा प्रसाद खानझोडे (प्राचार्य, लोकमान्य टिळक महाविद्यालय, वणी) यांनी कंले आहे.

या व्याख्यानातून युवकांना प्रेरणा मिळेल आणि राष्ट्रनिर्माणाच्या कार्यात त्यांचा सहभाग वाढेल, अशी अपेक्षा व्यक्त होत आहे.

www.WaniSamachar.com