🏏 उमरी प्रिमियर लिग पर्व ५ चे भव्य आयोजन उद्यापासून सुरू

🏏उमरी प्रिमियर लिग पर्व ५ चे भव्य आयोजन उद्यापासून सुरू

उमरी (यवतमाळ) ।  ०४ जानेवारी, २०२६ :

आदर्श सरपंच श्री.तुकाराम माथनकर (उमरी) यांच्या संकल्पनेतून व आयोजनातून यंदा “उमरी प्रिमियर लिग – पर्व ५” चे भव्य आयोजन करण्यात आले आहे. हा जिल्हा परिषद वागदरा, घोन्सा सर्कल चषक स्पर्धेचा पाचवा पर्व असून, उद्यापासून म्हणजे ५ जानेवारी २०२६ ते ११ जानेवारी २०२६ पर्यंत हा क्रिकेट महोत्सव रंगणार आहे.

स्थळ : कायर मुकुटबन रोड, उमरी बस स्टॉप जवळ, श्री. दशरथ भाऊ मोरे यांच्या शेतात.

या स्पर्धेत प्रथम बक्षीस विजेत्या संघाला रु. ५१,०००/-, द्वितीय बक्षीस रु. ३१,०००/- तर तृतीय बक्षीस रु. २१,०००/- असे आकर्षक रोख बक्षिसे देण्यात येणार आहेत.

• प्रथम बक्षीस माननीय आमदार श्री. संजीवरेड्डी बोदकुरवार यांच्या हस्ते प्रदान करण्यात येईल.
• द्वितीय बक्षीस मा. जि.प. सदस्य सौ. मंगलाताई दिनकरराव पावडे यांच्या हस्ते.
• तृतीय बक्षीस संचालिका, धनवंतरी चॅरिटेबल फाउंडेशन वाणी, सौ. मेघा नितिन वासेकर यांच्या हस्ते.

कार्यक्रमाचे अध्यक्षस्थान राष्ट्रीय मागासवर्गीय आयोगाचे अध्यक्ष तथा माजी केंद्रीय गृह राज्यमंत्री मा.श्री.हंसराजभैया अहीर यांच्याकडे राहणार असून, उद्घाटक म्हणून मा. श्री. संजीवरेड्डी बोदकुरवार (माजी आमदार, वणी विधानसभा) उपस्थित राहणार आहे.

ग्रामीण भागातील क्रिकेटप्रेमींसाठी हा एक उत्साहाचा सोहळा असून, स्थानिक खेळाडूंना आपली प्रतिभा दाखवण्याची उत्तम संधी मिळणार आहे. स्पर्धेला मोठ्या संख्येने उपस्थित राहून खेळाडूंना प्रोत्साहन द्यावे, असे आवाहन आयोजक श्री. तुकाराम माथनकर यांनी केले आहे.

www.WaniSamachar.com