🌐 नवसाला पावणारा शिवेचा मारोती देवस्थान, शिंदोला येथे भव्य यात्रा महोत्सव !

नवसाला पावणारा शिवेचा मारोती देवस्थान, शिंदोला येथे भव्य यात्रा महोत्सव

वणी (यवतमाळ)। दि.२४ डिसेंबर,२०२५ :

वणी तालुक्यातील शिंदोला येथील नवसाला पावणारा शिवेचा मारोती देवस्थानात यंदा गुरुवार, दिनांक ०१ जानेवारी २०२६ रोजी भव्य यात्रा महोत्सवाचे आयोजन करण्यात आले आहे. या महोत्सवात सहभागी होऊन सर्व भक्तांनी आयोजित भव्य रक्तदान शिविरात रक्तदान करावे, असे आवाहन आयोजकांनी केले आहे.

शिंदोला येथील नवसाला पावणारा शिवेचा मारोती देवस्थान एकमेवाद्वितीय देवस्थान म्हणून प्रसिद्ध आहे. दरवर्षी प्रमाणे या वर्षीसुद्धा यात्रेच्या निमित्ताने भव्य दिव्य रक्तदान महाशिबिराचे आयोजन करण्यात आले आहे.या शिबिराला भक्तांच्या सहभागाने मोठ्या संख्येने हजेरी लाभते.यंदाच्या रक्तदान महाशिबिराचे सहकार्य जिल्हा सामान्य रुग्णालय रक्तपेढी, चंद्रपूर यांच्याकडून करण्यात येत आहे. रक्तदान गुरुवार, दिनांक १ जानेवारी २०२६ रोजी सकाळी १० ते दुपारी ४ वाजेपर्यंत चालणार आहे.

या महोत्सवाला आकर्षण :

गुरुवार, दि. १ जानेवारी २०२६ :

• भव्य रक्तदान शिविर : (सकाळी १० ते दुपारी ४ वाजेपर्यंत)
• ह.भ.प.सुरेशराव उद्धार महाराज यांचे किर्तन : (सकाळी १० वा.)
• परिसरातील उच्चशिक्षीत विद्यार्थ्यांचा जाहीर सत्कार : (दुपारी १२ वा.)
• आ. संजयभाऊ – सौ.किरणताई देरकर यांचे जाहीर सत्कार : (दुपारी १२.३० वा.)
• प्रबोधनकार सत्यपाल महाराज यांचे किर्तन : (दुपारी २ वाजता)

● रक्तदान शिबिराचे आयोजक :

• शिव बहुद्देशीय संस्था, शिंदोला
• संजय निखाडे मित्र परिवार, शिंदोला

● आयोजन समिती : संजय निखाडे (शिवसेना जिल्हाप्रमुख, माजी सदस्य प.स.वणी), चंदु शिवशंकर गिरी (अध्यक्ष), प्रविण पाॅल (उपाध्यक्ष), किशोर पिंपळशेंडे (सचिव), किशोर किनाके (कोषाध्यक्ष), बाबुजी साळवे (संघटक), हरीभाऊ गौरकार (सहसचिव), विजय घाटे (सह-कोषाध्यक्ष).

आयोजकांनी सर्व भक्तांना आवाहन केले आहे की, ग्राम पंचायत शिंदोला व परिसरातील नागरिकांनी, तसेच सर्व भक्तांनी मोठ्या संख्येने उपस्थित राहावे.

हा महोत्सव परिसरातील भक्तांसाठी एक मोठा आध्यात्मिक व सामाजिक उत्सव ठरेल, अशी अपेक्षा व्यक्त केली जात आहे.

www.WaniSamachar.com